شعر مسرحية شكسبير!

[center]رف بجناحـك بالسمـاء فــوق ياطـيـر
ياسـبـاب جـرحـي يــادواي وعـذابـي
مادمت غيـر وباقـي النـاس لـي غيـر
وانـت الـذي فـي يــدك مفـتـاح بـابـي
سخرنـي الله لـك مـن النـاس تسخيـر
وانـت الــذي شـديـت لاجـلـك ركـابـي
اتبعـك لــو دونــك رمــال المعاصـيـر
ضامـي مطـرك وجـود لـي ياسحابـي
دربـك قـريـب لــو تـطـول المشـاويـر
ياشمس يشـرق نورهـا فـي هضابـي
من دونك العالم في نظر عيني صغير
ودنيـا بـدونـك فــي عيـونـي خـرابـي
انا بخيـر ان شفتـك تعيـش فـي خيـر
ولاغبـت صـد الخـيـر عـنـي وغـابـي
وسبحـان ربــي غـيـر الـحـال تغيـيـر
قلـبـي مـريــض وقـــدر الله وطـابــي
يـوم انكشـفـت وبــان حـبـك بتـزويـر
كنـك جـبـل مــن فـوقـه الثـلـج ذابــي
رجـعـت حلـومـي ذابـــلات مـصـاديـر
ذبلـن وتـاهـن فــي زهــور الشبـابـي
لاتـعـتــذر لــــي مـاتـفـيـد الـمـعـاذيـر
خـلــك ســــوال ولانـبـيـلـه جــوابــي
يامسـرحـيـه لـــو كتـبـهـا شكسـبـيـر
عنوانـهـا ضـمـيـان يـطــرد سـرابــي