ما احلاها عيشت العزوبية

صح ولا لا؟؟؟


العزوبية حلوة؟؟




ايه؟؟

محدش بيرد ليه؟؟؟

طيب...

تعالوا نتخيل السيناريو اليومي للسيد مرزوق

في الاول احب اعرفكم بمرزوق... شاب في العشرينيات من عمره..
مكافح.. ساب بلده وناسه واصحابه وراح بلد تانية عشان يشتغل..

طبعا زي كل الشباب المكافح..

المهم ..


تيييييت تيييييت تيييييت تيييييت


المنبة بتاع صاحبنا بيرن وبيعلن من موقعه ان الساعة بقت 7 صباحا

يووووووووووووة..

كل يوم صحيان في نفس المعاد...

ياااربي ده انا نايم الساعة 4 الفجر.. هو انا لحقت
طيب.. هنام شوية واقوم بعد 5 دقائق..

....

خخخخخ

خخخخ

خخخ

هاااااووووممممم

يانهااار مش فاااايت... ال 5 دقائق بقو ساعة... لا مش ممكن

صاحبنا طلع جري... من على السرير.. و..


..

طاااااااااااخ



اااااااه ياااااارجلييي...

صاحبنا اتكعبل في كتلة الهدوم اللي راميها على الارض

ماهو مفيش حد بيرتبها...

مفيش حد معبره اساسا..

مرزوق قام يجري ودخل الحمام بسرعة...

و...


تاااني مرررة...

طاااااااااااااااخخخ

ايييييييييييييييييي

ايه؟؟؟؟


المرة دي اتزحلق...

يوووووووةةة

الحمام غرقان مية وفي حتت صابون على الارض...

لا لا لا مش ممكن كده...
ده انا قاعد في ..............

المهم صاحبنا خلص الاجراءات اليومية الروتينية

وطلع يجري عشان يلبس..

ياااااادي النييييييييييييييييلة

مفيش هدوم نضيفة...

هو يوم اسود من اولة

طيب اعمل ايه يا ربي...!!!!!!!
خلاص هلبس اي حاجة وخلاص.. يعني كنت رايح قصر عبدين!!

الحمدلله... لقيت قميص ... مكرمش شوية.. مش مشكلة!!!

والبنطلون .. هااااااااايل...

تززززززززززززززززززززززززززززز



يااااانهاااااااار مش فاااااااااايت


البنطلون اتقطع!!!



ماهو لو كنت وديته يتخيط من الاول مكنش حصل اللي حصل..

خلاص .. هتصرف..

المهم رزق مرزوق ببنطلون مكرمش تاني...

احسن من مفيش...

نزل المعلم يجري بسرعة

وكافح طبعا على ماوصل للمكتب

يااااا مسهل...

- يا عم عبدووو ... يا عم عبدوووووووووووووو...
- ايوة يا سي مرزوق...
- الشاي يا عم عبدو
- وايه اللي اخرك يابني..؟؟
- ..................... كل حاجة يا عم عبدو..
- ماشي يابني.. بس نسيت اقولك.. MASTER عايزك...
- اصطبحنا واصطبح الملك لله.. المدير على الصبح... يالا.. يا موظفين يكفيكوا شر MASTERين..

- صباح الخير يا فندم.
- اهلا يابني.
- تحت امرك يا فندم.. سعادتك طلبتني..
- ايوة يا مرزوق اقعد..
- يا مرزوق يابني.. انت مش اول مرة تتأخر عن الشغل وكل مرة هتتطلعلي بحجة من شكل و .. و .. و .. و .. و .. و .. و .. و .. الخ..

صاحبنا عمل ودن من طين وودن من عجين لحد ما الحاج MASTER خلص الكلام..

لحد ماصاحبنا لقط جملة:
- يا مرزوق يابني انت مخصوم منك 10 ايام عشان ماتتأخرش تاني يا حبيبي.. اتفضل على مكتبك

ياااادي النيلة

هي العملية ناقصة..

المهم صاحبنا مشي يدلع لغاية ماوصل المكتب.. ماهو راجل مخصوم عليه بقى.. يدلع براحته..

اليوم عدى وخلاص.. وجه معاد المرواح ( ماتقولش مدرسة ياخويا)

صاحبنا قال يتغدى ايه يتغدى ايه؟؟ ده انا مصوصو من صباحية ربنا والشاي بتاع عم عبدو بيولع في المعدة ... وبصراحة زهقت من اكل برة..
طيب والله فكرة اجرب الطبخ
وايه يعني.. ماهو احسن شيف في الدنيا راجل..
يعني كانوا الستات احتكروا المهنة..
صاحبنا طلع عدد الشغل وهاتك يا دعك

يانهار ازرق ياواد يا مرزوق.. الحلة بقالها 4 شهور ماتغسلتش دي عايزة تترمي... ده السلك مش نافع معاها..

مرزوق افندي قعد يحارب على مانضفها والله واد جدع..
اخينا بقى عايز يبتدى في التحدي الاعظم..
.
قعد اخينا يعجن يجي 3 ساعات ويفكر ويقول ده عليه ملح ده سكر ده فلفل اسود.. وكااااان يوووم

وجت ساعة الحسم..

اول معلقة..



ييييييييييييييييييييييييييييييييييييييييععع

ايه ده

الشوربة بتمسك في البق بطريقة عجيبة

والرز... نااااشف اوي ولونة غامق بطريقة غريبة..

والفرخة بتشد .. معقولة كان طعمها كده قبل كده؟

يووووووووووووة

صاحبنا لم كل حاجة على بعضها

ومن البكونة

ونزل يا حبايبنا على اقرب مطعم فول وطعمية وكشري..

وهو نازل مانيسش ينقع الهدوم بتاعتة في الطشت وياخد البنطلون المسكين للاسطى حسن الترزي وكمان الهدوم اللي شكلها مكرمش للحاج طاهر المكوجي...

ونسيت اقولكم انه نزل بالبجاما الكستور

وان الموقف ده في اول شهر اغسطس..


مع تحياتي

سنيور

يارب تعجبكم